學車...第五集！

終於來到第五集了！大家想像到是如何呢？
學到一半，又上過天光道考試試場實地練習過（再加上我睡夢練習大法...），應該OK吧？
我都這樣想...

但實在太耐沒有練習了，開始半小時內已經死了三次火，仲行錯路，要兜成個圈先到試場，真係無面，想唔謙卑都唔得！
師傅當堂火都來！但今次我早有準備，用上了「天下無敵投其所好分心大法」：
－師傅食左飯未？攪到你這麼夜真的不好意思！
－我細佬都想學車喎！介紹俾你好不好？
－你千金工作如何？?！這麼快便被炒？
－黃霑死了！真可惜！（真心話！）

這招果然湊效，他不知幾多話講；而我在壓力大大減少的情況下，終於掌握了煞車的重要技巧（現在先學識，你話死唔死！），而且最後一次都基本無問題！

（12月6日！12/6...我又睡不著了！）